اگر چہ نفس امارہ میں یہ جنبش نہیں ہوئی

اگر چہ نفس امارہ میں یہ جنبش نہیں ہوئی

تو ہرگز خلد میں آدم سے یوں لغزش نہیں ہوتی

جو سچ پوچھو تو یہ سب نفس امارہ کا صدقہ ہے

وگرنہ احد کو احمد کی پھر خواہش نہیں ہوتی

نہ ملتے نور آپس میں نہ ہوتا وصل خلوت میں

اگر نور محمد وہاں بارش نہیں ہوتی

خدا کا شکر ہے توحید کے ہاتھ آ گئے نکتے

وگرنہ یاد رکھو حشر میں بخشش نہیں ہوتی

اٹھا لے قل ھو اللہ احد کا جام ہاتھوں میں

نشہ یہ وہ ہے جس سے عمر بھر لغزش نہیں ہوتی

چھپا رکھا راز اللہ الصمد کا اپنے سینے میں

یہی وہ راز ہے جس کی کوئی بندش نہیں ہوتی

خودی میں لم یلد کو جان لے پھر پڑھ ولم یولد

ولم یکن لہ میں غیر کی سازش نہیں ہوتی

ہمیں کفواً احد کا راز جب سے مل گیا رضواںؔ

خدا شاہد ہے اب دل میں کوئی خواہش نہیں ہوتی