یہ ہے اللہ کا فرمان ہر اک کو سنا دینا

یہ ہے اللہ کا فرمان ہر اک کو سنا دینا

جو اپنے آپ کو بندہ سمجھتا ہے سزا دینا

نہ اُس کو خوف ہو دل میں نہ اس کی آرزو دل میں

جہنم کو بجھا کر آگ جنت کو لگا دینا

عمل اپنے غلط گر ہیں تو دے ہم کو سزا یا رب

مگر پہلے ہمارے رہنماؤں کو سزا دینا

ازل میں لا پتہ تھے لا پتہ ہیں لا پتہ ہوں گے

پتہ اپنا کوئی پوچھے تو کس کو کیا پتہ دینا

جو اندھا ہو اس داغِ جگر کس طرح دکھلانا

حقیقت میں جو بہرہ ہو اسے آواز کیا دینا

ابھی اللہ نبی ابلیس کو میں کھینچ کر لاؤں

اگر معلوم ہے تو ان کا رضواںؔ کو پتہ دینا