شکل مرشد کو گھور دیوانے

شکل مرشد کو گھور دیوانے

ہے محمدؐ کا نور دیوانے

نفس ہی میں خدا چھپا ہوگا

جب ہی تو یہ غرور دیوانے

حکم ان کا ہے فعل اپنا ہے

کس کا ہے یہ قصور دیوانے

ان کی نظر کرم کا ہے صدقہ

معرفت کا سرور دیوانے

چشم باطن سے کام لے غافل

سب ہے ان کا ظہور دیوانے

مکتب معرفت کا بن طالب

ہوگا حاصل شعور دیوانے

گر تو سمجھا تو ہے وہ شہ رگ میں

گر نہ سمجھا تو دور دیوانے

نفیس کیا ہے سمجھ ذرا رضواںؔ

مخزن نار و نور دیوانے