اگر خدا ہے تو میں نہیں ہوں اگر ہوں میں تو خدا نہیں ہے

اگر خدا ہے تو میں نہیں ہوں اگر ہوں میں تو خدا نہیں ہے

ہے اس قدر تنگ راہِ الفت کہ اس میں دو کی جگہ نہیں

خدا میں میں ہوں خدا ہے مجھ میں یہی ہے وحدت یہی ہے کثرت

یہی کائی کا ہے معمہ اسی میں سب کچھ ہے کیا نہیں ہے

بنا سمجھ کر کیا جو سجدہ نہ جانے آئی ندا کدھر سے

تمہیں مبارک ہو ایسا سجدہ ہمیں یہ سجدہ روا نہیں ہے

ہے وہ عبادت مقامِ عبرت کہ سیر جس سے نہ ہو طبیعت

نہ کیجیے ایسی کبھی عبادت کہ اس کا بھوکا خدا نہیں ہے

رہِ طریقت میں آ کے دیکھو یہیں پہ کھلتے، ہیں راز باطن

یہ یاد رکھو کہ اس سے ہٹ کر کوئی بھی کامل ہوا نہیں ہے

جھکا رہا ہوں میں اپنے سر کو خدا را کچھ اس کی لاج رکھنا

یہ سر وہ ہے جو بجز تمہارے کسی کے آ گے جھکا نہیں ہے

پڑھا نمازیں رکھا بھی روزہ قرآن کی بھی کیا تلاوت

مگر جو رازِ خفی تھا رضواںؔ بِنا وہ مرشد کھلا نہیں ہے