اللہ رے انسان اللہ رے اللہ

اللہ رے انسان اللہ رے اللہ

یہ ہے اللہ کی پہچان اللہ رے اللہ

چار عناصر کا یہ پتلا اپنے ہاتھ بنایا

جب نہ ملی رہنے کو جگہ تو خود ہی اس میں سمایا

چلتا پھرتا ہے قرآن اللہ رے اللہ

آدم ہے اللہ کے جیسا حوا کسی کے جیسی

کس سے پوچھیں حوا کی تخلیق ہوئی ہے کیسی

صم بکم ہے قرآن اللہ رے اللہ

خودی سے ہٹ کر خدا ملا کب خودی کو جانو مانو

خودی میں اپنی خدا ملے گا خودی کو تم پہچانو

ہے یہ سرکاری اعلان اللہ رے اللہ

کلمہ پڑھنا کیسا پڑھنا قائم کیسے کرنا

روزہ رکھنا کھیل نہیں ہے سوچ سمجھ کر رکھنا

اللہ والوں کی ہے شان اللہ رے اللہ

دید بنا لا حول پڑھایا دید بنا کے گواہی

عقل کے اندھوں چلو سنبھل کر ورنہ ہوگی تباہی

کھلم کھلا ہے شیطان اللہ رے اللہ

ذکر کیا تو کچھ کچھ پایا فکر میں سب کچھ پایا

سانچے گرو کا چیلہ رضواںؔ پوچھے تو فرمایا

اپنے اوپر لا ایمان اللہ رے اللہ