میرا پیر مجھ کو خرید کر مجھے قید و بند سے چھڑا دیا

میرا پیر مجھ کو خرید کر مجھے قید و بند سے چھڑا دیا

میں پرند بے پر و بال تھا مجھے پر لگا کے اڑا دیا

وہ نماز کیسی نماز تھی جو خدا ادا کیا عرش پر

ہے بڑا کرم میرے پیر کا ہو نماز پڑھنا سکھا دیا

تیرا راز میں، میرا راز تو، نہیں اب مجھے کوئی جستجو

دل مضطرب ہوا مطمئن چھپا راز جو تھا بتا دیا

شب و روز پیر کی دید ہے شب و روز رندوں کی عید ہے

میرا پیر عید کا چاند ہے مجھے دید بازی سکھا دیا

میرے تن میں دل، میرے دل میں جاں، میری جاں میں کون ہے کیا کہوں

کئی پردے وہم و گماں کے تھے وہ اٹھا کے گونگا بنا دیا

کہیں میں و تو، کہیں ہاؤ ہو، کہیں لا و الا کے نقش تھے

میرا دل بنا دیا آئینہ وہ سارے نقوش مٹا دیا

در پیر ہے، در مصطفیٰ ہے درِ خدا

مجھے دیر و کعبہ سے کیا غرض، اسی در پہ سر کو جھکا دیا

میرا رہنما بھی عجیب ہے، یہ تو رضواںؔ اپنا نصیب ہے

جو نہ سن سکا وہ سنا دیا جو نہ دکھ سکا وہ دکھا دیا