apni KHudi ke hum hain pujari

apnī ḳhudī ke ham haiñ pujārī

chitt bhī hamārī paT bhī hamārī

aise pujārī dozaḳh pe bhārī

chitt bhī hamārī paT bhī hamārī

donoñ jahāñ meñ ham sab se a'alā

qurāñ meñ dekho is kā havāla

allāh nabī kī shakl hamārī

chitt bhī hamārī paT bhī hamārī

hamrāz us ke vo raaz apnā

ham us ke sapne vo apnā sapnā

ab rañg laa.ī qismat hamārī

chitt bhī hamārī paT bhī hamārī

dozaḳh meñ jā kar aag bujhā.eñ

jannat meñ jā kar aag lagā.eñ

ham un ke mālik marzī hamārī

chitt bhī hamārī paT bhī hamārī

allāh nabī par īmān apnā

dost banā hai shaitān apnā

chhā.ī hai ham par rahmat-e-bārī

chitt bhī hamārī paT bhī hamārī

apne sivā jab koī nahīñ hai

koī nahīñ par apnā yaqīñ hai

aise nahīñ par tan man vaarī

chitt bhī hamārī paT bhī hamārī

ḳhud hī musavvir tasvīr ḳhud ham

ham ḳhud hī nukta tahrīr ḳhud ham

ḳhud hī nishāna ḳhud hī shikārī

chitt bhī hamārī paT bhī hamārī

kasrat meñ bū hai vahdat kī 'rizvāñ'

vahdat meñ lazzat vaslat kī rizvāñ

ḳhalvat-kade meñ bād-e-bahārī

chitt bhī hamār paT bhī hamārī

apni KHudi ke hum hain pujari

chitt bhi hamari paT bhi hamari

aise pujari dozaKH pe bhaari

chitt bhi hamari paT bhi hamari

donon jahan mein hum sab se a'ala

quran mein dekho is ka hawala

allah nabi ki shakl hamari

chitt bhi hamari paT bhi hamari

hamraaz us ke wo raaz apna

hum us ke sapne wo apna sapna

ab rang lai qismat hamari

chitt bhi hamari paT bhi hamari

dozaKH mein ja kar aag bujhaen

jannat mein ja kar aag lagaen

hum un ke malik marzi hamari

chitt bhi hamari paT bhi hamari

allah nabi par iman apna

dost bana hai shaitan apna

chhai hai hum par rahmat-e-bari

chitt bhi hamari paT bhi hamari

apne siwa jab koi nahin hai

koi nahin par apna yaqin hai

aise nahin par tan man wari

chitt bhi hamari paT bhi hamari

KHud hi musawwir taswir KHud hum

hum KHud hi nukta tahrir KHud hum

KHud hi nishana KHud hi shikari

chitt bhi hamari paT bhi hamari

kasrat mein bu hai wahdat ki 'rizwan'

wahdat mein lazzat waslat ki rizwan

KHalwat-kade mein baad-e-bahaari

chitt bhi hamar paT bhi hamari