baitul-haram ke sath na bait-us-sanam ke sath

baitul-haram ke saath na bait-us-sanam ke saath

jiitā huuñ ik haqīqat-e-be-kaif-o-kam ke saath

mahsūs ye huā mujhe ehsās-e-ġham ke saath

maiñ us ke dam ke saath huuñ vo mere dam ke saath

aañsū sambhal ke poñchhi.e bīmār-e-ishq huuñ

dil bhī lagā huā hai merī chashm-e-nam ke saath

vo yaad kar ke ro.eñge mujh ko tamām umr

ye un ke saare naaz haiñ mere hī dam ke saath

manshā-e-yār kā huuñ khilaunā banā huā

vo khelte haiñ mere vajūd-o-adam ke saath

huuñ har ma.āl-e-kār se be-fikr-o-mutma.in

dāman bandhā hai dāman-e-turk-e-a.ajam ke saath

mumkin nahīñ vo hashr meñ rusvā kare mujhe

jiske karam se guzrī hai ab tak bharam ke saath

mujh be-amal ko ahl-e-amal meñ na DhūñDiye

rahtā huuñ us ke dāman-e-fazl-o-karam ke saath

'kāmil' ba-roz-e-hashr mire sajda-hā-e-shauq

mash.hūr hoñge yaar ke naqsh-e-qadam ke saath

baitul-haram ke sath na bait-us-sanam ke sath

jita hun ek haqiqat-e-be-kaif-o-kam ke sath

mahsus ye hua mujhe ehsas-e-gham ke sath

main us ke dam ke sath hun wo mere dam ke sath

aansu sambhal ke ponchhie bimar-e-ishq hun

dil bhi laga hua hai meri chashm-e-nam ke sath

wo yaad kar ke roenge mujh ko tamam umr

ye un ke sare naz hain mere hi dam ke sath

mansha-e-yar ka hun khilauna bana hua

wo khelte hain mere wajud-o-adam ke sath

hun har maal-e-kar se be-fikr-o-mutmain

daman bandha hai daman-e-turk-e-ajam ke sath

mumkin nahin wo hashr mein ruswa kare mujhe

jiske karam se guzri hai ab tak bharam ke sath

mujh be-amal ko ahl-e-amal mein na DhunDiye

rahta hun us ke daman-e-fazl-o-karam ke sath

'kaamil' ba-roz-e-hashr mere sajda-ha-e-shauq

mashhur honge yar ke naqsh-e-qadam ke sath