بجھی ہوئی شمع کا دھواں ہوں اور اپنے مرکز کو جا رہا ہوں

بجھی ہوئی شمع کا دھواں ہوں اور اپنے مرکز کو جا رہا ہوں

کہ دل کی ہستی تو مٹ چکی ہے اب اپنی ہستی مٹا رہا ہوں

یہ وقت ہے مجھ پہ بندگی کا کہو جسے سجدہ کر لوں ورنہ

ازل سے تا عہدِ آفرینش میں آپ اپنا خدا رہا ہوں

محبت انسان کی ہے فطرت کہاں ہے امکانِ ترکِ الفت

وہ اتنا ہی یاد آرہا ہے میں جتنا اس کو بھلا رہا ہوں

زمیں پہ سجدے ہیں ہر قدم پر زباں پہ لبیک ہر نفس میں

چلا ہوں یوں بت کدے کو ناطقؔ کہ جیسے کعبہ کو جا رہا ہوں