KHak se ta-ba-kahkashan humne to jab kiya safar

ḳhaak se tā-ba-kahkashāñ ham ne to jab kiyā safar

'ishq milā qadam-qadam husn milā nazar-nazar

ai dil-e-be-qarār aa ro leñ taḌap leñ jaag leñ

niiñd kī fikr kyā abhī raat milī hai be-sahar

dil se nikal ke har sadā kyuuñ na diloñ meñ Duub jaa.e

saaz mirā latīf hai naġhma tirā latīf-tar

kūcha-e-dost dekh kar ashk-e-vafā Tapak paḌe

chun le koī jo chun sake phuul paḌe haiñ ḳhaak par

sub.h-e-azal se maiñ chalā shām-e-abad tak aa gayā

’umr-e-darāz-e-shauq hai merī hayāt-e-muḳhtasar

vus'at-e-kā.ināt kī sair kā mā-hasal to hai

tere hī dar pe aa.egā kal ye thakā huā bashar

apne hī dost kī to haiñ jitnī haiñ ye nishāniyāñ

dair mile to sar jhukā ka.aba mile salām kar

vā'da-e-dost kuchh nahīñ ek musalsal aarzū

raat guzar ga.ī to phir raat kā intizār kar

husn bhī sivā milī 'ishq se dil ko raushnī

tum ho charāġh-e-anjuman maiñ huuñ charāġh-e-rah-guzar

chashm-e-karam girāñ sahī chashm-e-karam na kījiye

ek nigāh to kabhī ‘darshan’-e-kHasta-hāl par

KHak se ta-ba-kahkashan hum ne to jab kiya safar

'ishq mila qadam-qadam husn mila nazar-nazar

ai dil-e-be-qarar aa ro len taDap len jag len

nind ki fikr kya abhi raat mili hai be-sahar

dil se nikal ke har sada kyun na dilon mein Dub jae

saz mera latif hai naghma tera latif-tar

kucha-e-dost dekh kar ashk-e-wafa Tapak paDe

chun le koi jo chun sake phul paDe hain KHak par

subh-e-azal se main chala sham-e-abad tak aa gaya

’umr-e-daraaz-e-shauq hai meri hayat-e-muKHtasar

wus'at-e-kainat ki sair ka ma-hasal to hai

tere hi dar pe aaega kal ye thaka hua bashar

apne hi dost ki to hain jitni hain ye nishaniyan

dair mile to sar jhuka kaba mile salam kar

wa'da-e-dost kuchh nahin ek musalsal aarzu

raat guzar gai to phir raat ka intizar kar

husn bhi siwa mili 'ishq se dil ko raushni

tum ho charagh-e-anjuman main hun charagh-e-rah-guzar

chashm-e-karam giran sahi chashm-e-karam na kijiye

ek nigah to kabhi ‘darshan’-e-kHasta-haal par