na tu mah ban ke falak pe rah na tu phul ban ke chaman mein aa

na tū maah ban ke falak pe rah na tū phuul ban ke chaman meñ aa

ye tamām jalve sameT kar kisī dil-gudāz-e-phaban meñ aa

adab ai ḳhayāl-e-ḳhudā-numā ki falak se aane lagī sadā

tujhe ārzū-e-hayāt hai tū dayār-e-dār-o-rasan meñ aa

na jamāl ho na jalāl ho na javāb ho na savāl ho

jo alast-o-kun se thī peshtar to usī adā-e-kuhan meñ aa

mirā mudda'ā-e-nazar hai tū maiñ taḌap rahā huuñ kidhar hai tū

mirī kā.ināt-e-kHayāl ban mire mulk-e-she'r-o-sukHan meñ aa

ye bhī koī shān-e-nmūd hai ki ḳhayāl hī meñ vajūd hai

tū hijāb-e-lāla-o-gul meñ bas tū libās-e-sarv-o-saman meñ aa

tirī zarra-zarra ko justujū tirī patte-patte ko aarzū

kabhī parda-hā-e-jamāl-o-bū se nikal ke sahn-e-chaman meñ aa

na tu mah ban ke falak pe rah na tu phul ban ke chaman mein aa

ye tamam jalwe sameT kar kisi dil-gudaz-e-phaban mein aa

adab ai KHayal-e-KHuda-numa ki falak se aane lagi sada

tujhe aarzu-e-hayat hai tu dayar-e-dar-o-rasan mein aa

na jamal ho na jalal ho na jawab ho na sawal ho

jo alast-o-kun se thi peshtar to usi ada-e-kuhan mein aa

mera mudda'a-e-nazar hai tu main taDap raha hun kidhar hai tu

meri kainat-e-kHayal ban mere mulk-e-she'r-o-sukHan mein aa

ye bhi koi shan-e-nmud hai ki KHayal hi mein wajud hai

tu hijab-e-lala-o-gul mein bas tu libas-e-sarw-o-saman mein aa

teri zarra-zarra ko justuju teri patte-patte ko aarzu

kabhi parda-ha-e-jamal-o-bu se nikal ke sahn-e-chaman mein aa