ye tamanna thi ki takmil-e-tamanna karte

ye tamannā thī ki takmīl-e-tamannā karte

sāmne tujh ko biThā ke ham terī puujā karte

kuchh na hotā jo mohabbat meñ to aisā karte

ham tere husn se īmān kā saudā karte

sab namāzeñ hī ik sajde meñ adā ho jātīñ

be-ḳhudī meñ jo dar-e-yār pe sajda karte

'ishq baḳhshā thā to phir aisī nazar kī hotī

dil ke ā.īne meñ jalva terā dekhā karte

sajda karne ko agar miltā terā naqsh-e-qadam

haram aur dair meñ aa kar tujhe sajda karte

kaash is tarah se takmīl-e-ibādat hotī

shauq-e-sajda meñ qadam yaar ke chūmā karte

ai 'fanā' yaar kā dīdār agar ho jaa.e

jaan kyā chiiz hai īmān kā saudā karte

ye tamanna thi ki takmil-e-tamanna karte

samne tujh ko biTha ke hum teri puja karte

kuchh na hota jo mohabbat mein to aisa karte

hum tere husn se iman ka sauda karte

sab namazen hi ek sajde mein ada ho jatin

be-KHudi mein jo dar-e-yar pe sajda karte

'ishq baKHsha tha to phir aisi nazar ki hoti

dil ke aaine mein jalwa tera dekha karte

sajda karne ko agar milta tera naqsh-e-qadam

haram aur dair mein aa kar tujhe sajda karte

kash is tarah se takmil-e-ibaadat hoti

shauq-e-sajda mein qadam yar ke chuma karte

ai 'fana' yar ka didar agar ho jae

jaan kya chiz hai iman ka sauda karte