مل کے بچھڑے جو تم ہر خوشی چھن گئی آرزؤں کا سارا جہاں لٹ گیا

مل کے بچھڑے جو تم ہر خوشی چھن گئی آرزؤں کا سارا جہاں لٹ گیا

راس آئی نہ فرقت کسی کو صنم تم وہاں لٹ گئے میں یہاں لٹ گیا

میں اکیلا کھڑا ہوں رہ عشق میں کوئی رہبر نہیں کس سے پوچھوں پتا

ان کو ڈھونڈھوں کہاں اب میں جاؤں کدھر منزلیں کھو گئیں کارواں لٹ گیا

لے کے ارمان کعبے کا نکلے تھے ہم لے گیا بت کدے میں دل مضطرب

ہم کو جانا کہاں تھا کہاں آ گئے دل کو لٹنا کہاں تھا کہاں لٹ گیا

ان حسینوں کے چہرے تو معصوم ہیں کس کو قاتل کہوں کس کو الزام دوں

کس نے بسمل کیا کس نے لوٹا مجھے کیا کہوں اے فناؔ میں کہاں لٹ گیا