ab dekh ke ji ghabraata hai sawan ki suhani raaton ko

ab dekh ke jī ghabrātā hai sāvan kī suhānī rātoñ ko

piyā chhoḌ ga.e dil toḌ ga.e ab aag lage barsātoñ ko

ai jān-e-mohabbat jān-e-ġhazal aao to tumhārī nazr kareñ

āñkhoñ meñ sajā.e baiThe haiñ ham pyaar bharī sauġhātoñ ko

yuuñ pyaar kī qasmeñ khā khā kar kyuuñ jhūTī tasallī dete ho

bas rahne do ham jaan ga.e sarkār tumhārī bātoñ ko

maslā huā āñchal shānoñ par ye zulf kī laT uljhī uljhī

āñkhoñ kī ḳhumārī kahtī hai rahte ho kahīñ tum rātoñ ko

zulfoñ ko havā meñ lahrānā hañs hañs ke tumhārā bal khānā

andāz haiñ sab dil lene ke ham jaan ga.e in bātoñ ko

be-dard hasīnoñ kī ḳhātir kyuuñ hote ho badnām 'fanā'

saffāk sitam-gar kyā samjheñ ham dil-vāloñ kī bātoñ ko

ab dekh ke ji ghabraata hai sawan ki suhani raaton ko

piya chhoD gae dil toD gae ab aag lage barsaton ko

ai jaan-e-mohabbat jaan-e-ghazal aao to tumhaari nazr karen

aankhon mein sajae baiThe hain hum pyar bhari saughaton ko

yun pyar ki qasmen kha kha kar kyun jhuTi tasalli dete ho

bas rahne do hum jaan gae sarkar tumhaari baaton ko

masla hua aanchal shanon par ye zulf ki laT uljhi uljhi

aankhon ki KHumari kahti hai rahte ho kahin tum raaton ko

zulfon ko hawa mein lahrana hans hans ke tumhaara bal khana

andaz hain sab dil lene ke hum jaan gae in baaton ko

be-dard hasinon ki KHatir kyun hote ho badnam 'fana'

saffak sitam-gar kya samjhen hum dil-walon ki baaton ko