KHuda ke pas kya hai ek hu hai

ḳhudā ke paas kyā hai ek hū hai

jo kuchh bhī hai nabī ke rū-ba-rū hai

usī ke jalve haiñ donoñ jahāñ meñ

tajallī yaar kī hī chār-sū hai

ahad ko parda ahmad meñ dekhā

ḳhudā kā shukr niklī aarzū hai

nahīñ huuñ maiñ nahīñ huuñ maiñ nahīñ huuñ

mire maulā tirā jalva hai tū hai

nikāle yaar ko ab DhūñDh kar ham

vo ham meñ hai hamāre rū-ba-rū hai

mohammad par fidā sau jaan se maiñ

ye mere yaar ke bas hū-bahū hai

nahīñ 'ġhausī' ko hastī aur anā bhī

ye naqsha yaar kā hai sirr-e-hū hai

KHuda ke pas kya hai ek hu hai

jo kuchh bhi hai nabi ke ru-ba-ru hai

usi ke jalwe hain donon jahan mein

tajalli yar ki hi chaar-su hai

ahad ko parda ahmad mein dekha

KHuda ka shukr nikli aarzu hai

nahin hun main nahin hun main nahin hun

mere maula tera jalwa hai tu hai

nikale yar ko ab DhunDh kar hum

wo hum mein hai hamare ru-ba-ru hai

mohammad par fida sau jaan se main

ye mere yar ke bas hu-bahu hai

nahin 'ghausi' ko hasti aur ana bhi

ye naqsha yar ka hai sirr-e-hu hai