عشق تجھ سے جو ہم نے یار کیا
عشق تجھ سے جو ہم نے یار کیا
دل کی حسرت کو آشکار کیا
کیا کیا آپ نے یہ حضرت دل
سب سکوں نذر اعتبار کیا
تیری صورت کو دیکھ کر ہم نے
تجھ پہ کونین کو نثار کیا
ان کے چوکھٹ کو چوم کر ہم نے
سجدۂ شکر بار بار کیا
تم نہ اٹھو ابھی کہ جی بھر کر
ہم نے دیکھا تمہیں نہ پیار کیا
شوق سے پائمال ناز کرو
نظر انداز کیوں مزار کیا
واعظ اور مئے پہ تبصرہ رندو
تم نے بھی کس کا اعتبار کیا
دل خانہ خراب نے مشتاقؔ
دیکھ آخر ذلیل و خوار کیا
مأخذ :
- کتاب : اسرارالمشتاق
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
