ajab dilkash hai shakl uski ajab hai chaal mastana

'ajab dilkash hai shakl us kī 'ajab hai chaal mastāna

dikhā kar ik jhalak mujh ko banāyā apnā dīvāna

hamāre dam se hai saaqī mirā ābād mai-ḳhāna

hamārī vaj.h se din-rāt hai gardish meñ paimāna

pilā chullū hī se mujh ko ik muddat se pyāsā huuñ

kahāñ kā jaam saaqī kis kā sāġhar kaisā paimāna

ḳhushī hai kis kī aamad kā jo tū sargarm hai aisā

sajā hai kis kī ḳhātir mere saaqī aaj mai-ḳhāna

butoñ ne ghar banāyā ho gayā ābād dil merā

nahīñ to ek muddat se paḌā thā yuuñ hī vīrāna

guzar nām-e-ḳhudā ab to hai is meñ ḳhūb-rūoñ kā

banāyā hai butoñ ne dil ko mere apnā but-ḳhāna

du'ā dete haiñ tujh ko sab ye rindān-e-ḳharābātī

ḳhabar le un kī ai saaqī rahe ābād mai-ḳhāna

ḳhabar le apne ahqar kī zarā ai ġhairat-e-lailā

gadā ban kar hai baiThā tere dar par terā dīvāna

'ajab dilkash hai shakl us ki 'ajab hai chaal mastana

dikha kar ek jhalak mujh ko banaya apna diwana

hamare dam se hai saqi mera aabaad mai-KHana

hamari wajh se din-raat hai gardish mein paimana

pila chullu hi se mujh ko ek muddat se pyasa hun

kahan ka jam saqi kis ka saghar kaisa paimana

KHushi hai kis ki aamad ka jo tu sargarm hai aisa

saja hai kis ki KHatir mere saqi aaj mai-KHana

buton ne ghar banaya ho gaya aabaad dil mera

nahin to ek muddat se paDa tha yun hi virana

guzar nam-e-KHuda ab to hai is mein KHub-ruon ka

banaya hai buton ne dil ko mere apna but-KHana

du'a dete hain tujh ko sab ye rindan-e-KHarabaati

KHabar le un ki ai saqi rahe aabaad mai-KHana

KHabar le apne ahqar ki zara ai ghairat-e-laila

gada ban kar hai baiTha tere dar par tera diwana