تضمینی کلام - نہ کوئی ساز ہستی تھا، نہ نغمہ تھا، نہ تھا سرگم

نہ کوئی ساز ہستی تھا، نہ نغمہ تھا، نہ تھا سرگم

نہ تھا ہمراز کوئی بھی نہ تھا اس جا کوئی ہمدم

نظر آتا تھا ہر جانب مجھے بس 'ھو' کا اک عالم

نشاں بر صفحۂ ہستی نبود از عالم و آدم

کہ دل در مکتبِ عشق از تمنائے تو می زد دم

سہانی یادوں میں رہتے ہیں گم ہر لمحہ اور ہر دم

ہوا ہے دل کا رشتہ بھی جہاں پر عشق سے محکم

نہ آیا لفظ بن کر بھی دہان زخم پر مرہم

کہ دارد ایں چنیں عیشے کہ در عشقِ تو من دارم

شرابم خوں، کبابم دل، ندیمم درد، نقلم غم

مشام و جاں میں پھیلی نشاط افزا عجب خوشبو

بہار کیف کا ساماں ہے منظر ہر طرف ہر سو

رہے اس حال میں کیسے دل بیتاب پر قابو

برو اے عقل نا محرم کہ امشب با خیالِ او

چناں خوش خلوتے دارم کہ من ہم نیستم محرم

محبت نے تری مجھ کو عطا کی ہے وفا داری

نبھاؤں گا میں جان و دل سے یہ رسم روا داری

بلا سے امجدیؔ ہے اب اسیر دام ناداری

اگر پرسند سعدؔ از عشق او حاصل چہاداری

ملامت ہائے گونا گوں جراحت ہائے بے مرحم