jamal-e-insan ki aaD mein KHud wo apni jaanib bula rahe hain

jamāl-e-insāñ kī aaḌ meñ ḳhud vo apnī jānib bulā rahe haiñ

dikhā dikhā ke vo apnī chhalbal diloñ ko sab ke lubhā rahe haiñ

namāz kaise paḌhūñ maiñ zāhid yahāñ to fursat nahīñ hai dam kī

sabaq mohabbat kā apnī har dam vo baiThe dil meñ paḌhā rahe haiñ

mahal-e-fanā meñ jo jā ke dekhā nazar ye aayā hameñ tamāshā

hazāroñ mardoñ ko vo uThā kar baqā kā jaama pahnā rahe haiñ

bane vo baiThe haiñ aaj saaqī liye haiñ hāthoñ meñ shīsha-e-mai

agar hai ḳhvāhish to jald dauḌo fanā kā sāġhar pilā rahe haiñ

hue haiñ ham se vo aise be-ruḳh nahīñ lagāte haiñ kaan us par

ham apnā qissa-e-ġham-o-alam kā hamesha un ko sunā rahe haiñ

hazāroñ fitne uThā.eñge vo bapā qiyāmat kareñge be-shak

rasīlī āñkhoñ se chupke-chupke nayā vo jaadū jagā rahe haiñ

yaqīn-e-kāmil hai āḳhirat meñ unhīñ ko qurb-e-visāl hogā

'asad' jo duniyā meñ apnī hastī vujūd-e-haq meñ miTā rahe haiñ

jamal-e-insan ki aaD mein KHud wo apni jaanib bula rahe hain

dikha dikha ke wo apni chhalbal dilon ko sab ke lubha rahe hain

namaz kaise paDhun main zahid yahan to fursat nahin hai dam ki

sabaq mohabbat ka apni har dam wo baiThe dil mein paDha rahe hain

mahal-e-fana mein jo ja ke dekha nazar ye aaya hamein tamasha

hazaron mardon ko wo uTha kar baqa ka jama pahna rahe hain

bane wo baiThe hain aaj saqi liye hain hathon mein shisha-e-mai

agar hai KHwahish to jald dauDo fana ka saghar pila rahe hain

hue hain hum se wo aise be-ruKH nahin lagate hain kan us par

hum apna qissa-e-gham-o-alam ka hamesha un ko suna rahe hain

hazaron fitne uThaenge wo bapa qiyamat karenge be-shak

rasili aankhon se chupke-chupke naya wo jadu jaga rahe hain

yaqin-e-kaamil hai aaKHirat mein unhin ko qurb-e-visal hoga

'asad' jo duniya mein apni hasti wujud-e-haq mein miTa rahe hain