Sufinama

karen aah-o-fughan phoDen-phaphole is tarah dil ke

Aughat Shah Warsi

karen aah-o-fughan phoDen-phaphole is tarah dil ke

Aughat Shah Warsi

MORE BY Aughat Shah Warsi

    kareñ āh-o-fuġhāñ phoḌeñ-phaphole is tarah dil ke

    irāda hai ki ro.eñ iid ke din bhī gale mil ke

    tamāshe dekhte haiñ āj-kal vo raqs-e-bismil ke

    sune ham ne bhī ġhairoñ se ye qisse un mahfil ke

    kahānī meñ tasalsul hai na mauzūñ hai koī qissa

    fasāne bhī pareshāñ haiñ hamāre muztarib dil ke

    kareñ kyā ġhair se takrār vo nā-ahl-o-nādāñ hai

    jo aaqil haiñ va muñh lagte nahīñ be-maġhz-o-jāhil ke

    jagah rone hai mad.hosh kar bāġh-e-ālam meñ

    merī ġhaflat pe ye ġhunche bhī ab hañste haiñ khil khil ke

    pareshāñ kyuuñ na ho dukhtā huā dil sair-e-gulshan se

    ki ahl-e-dard sun sakte nahīñ naale anādil ke

    ye bolā dekh kar ā.īna mujh se vo merā ḳhud-bīñ

    kaho ḳhush-rū jahāñ meñ aur haiñ mere muqābil ke

    bulāyā pahle maqtal meñ kiyā hai zab.h ḳhud mujh ko

    qayāmat tak na bhūlūñgā ye ehsāñ apne qātil ke

    tujhe mushkil-kushā samjhūñ na kyuuñ kar ai mere 'vāris'

    tere hāthoñ se hal hote haiñ uqde merī mushkil ke

    ġham-o-rañj-o-alam sāmnā 'aughat' na kyuuñ kar ho

    ki rāh-e-ishq meñ ye marhale haiñ pahlī manzil ke

    karen aah-o-fughan phoDen-phaphole is tarah dil ke

    irada hai ki roen id ke din bhi gale mil ke

    tamashe dekhte hain aaj-kal wo raqs-e-bismil ke

    sune hum ne bhi ghairon se ye qisse un ki mahfil ke

    kahani mein tasalsul hai na mauzun hai koi qissa

    fasane bhi pareshan hain hamare muztarib dil ke

    karen kya ghair se takrar wo na-ahl-o-nadan hai

    jo aaqil hain wa munh lagte nahin be-maghz-o-jahil ke

    jagah rone ki hai madhosh pa kar bagh-e-alam mein

    meri ghaflat pe ye ghunche bhi ab hanste hain khil khil ke

    pareshan kyun na ho dukhta hua dil sair-e-gulshan se

    ki ahl-e-dard sun sakte nahin nale anadil ke

    ye bola dekh kar aaina mujh se wo mera KHud-bin

    kaho KHush-ru jahan mein aur hain mere muqabil ke

    bulaya pahle maqtal mein kiya hai zabh KHud mujh ko

    qayamat tak na bhulunga ye ehsan apne qatil ke

    tujhe mushkil-kusha samjhun na kyun kar ai mere 'waris'

    tere hathon se hal hote hain uqde meri mushkil ke

    gham-o-ranj-o-alam ka samna 'aughat' na kyun kar ho

    ki rah-e-ishq mein ye marhale hain pahli manzil ke

    Source:

    • Book: Faizan-e-Warsi Al-Maruf Zamzama-e-Qawwali (Pg. 9)
    • Author: Aughat Shah Warsi
    • Publication: Jayyad Barqi Press, Delhi
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites