خاک سے لالہ و گل سنبل و ریحاں نکلے

خاک سے لالہ و گل سنبل و ریحاں نکلے

تم بھی پردے سے نکل آؤ کہ ارماں نکلے

بند آنکھیں کیے ہم منتظر جلوہ رہے

جب کھلی آنکھ تو خود جلوۂ جاناں نکلے

بے تکلف مجھے آزاد نگاہی منظور

خود تعین سے مگر جلوۂ جاناں نکلے

شیخ مے خانے میں آنے کو مسلماں آیا

کاش مے خانے سے نکلے تو مسلماں نکلے

کیا کوئی بزم حسیں زیر زمیں اور بھی ہے

پھول کیوں چاک جگر چاک گریباں نکلے

رنگ و بو قافلہ در قافلہ آئے تھے ذہینؔ

چند اڑتے ہوئے سائے تھے گریزاں نکلے