لایا مہندی خون اجل دی اے

مہندی اجل کے ہاتھوں پہ خونِ وفا کی ہے

لکھی ہوئی یہ مہندی ازل سے قضا کی ہے

مہندی ہے یہ تو فاطمہ حق پرست کی

خونِ حسینِ پاک شہید الست کی

خوبی کسی بھی مہندی میں کب اس حنا کی ہے

مہندی اجل کے ہاتھوں پہ خونِ وفا کی ہے

احمد کا اور علی کا ہے درِّ یگانہ وہ

اور فاطمہ سی ماں کا ہے مال اور خزانہ وہ

نانا کی اپنے بہن کے خلعت شہانہ وہ

کس شان سے ہوا سوئے مقتل روانہ وہ

کانپی زمین اور فلک بھی لرز اٹھا

ہل چل عجیب عرش پہ شورِ دغا کی ہے

مہندی اجل کے ہاتھوں پہ خونِ وفا کی ہے

پیغام تھا نبی و علی و بتول کا

بیٹے حسین ہم سے تو ملنے کو جل آ

اب ایک ایک پل کی بھی فرقت بلا کی ہے

مہندی اجل کے ہاتھوں پہ خونِ وفا کی ہے

شاہا تمہاری مہندی کی ہیں سبز پتیاں

مل جل کے کوفیوں نے جو دھاوا کیا وہاں

تحریر وہ ازل ہی سے دستِ قضا کی ہے

مہندی اجل کے ہاتھوں پہ خونِ وفا کی ہے

شاہا ! تمہاری مہندی کی ہیں زرد پتیاں

کنبے کو چھوڑا کہہ کے خدا کی تمہیں اماں

کیا کہئے داستاں جو غمِ کربلا کی ہے

مہندی اجل کے ہاتھوں پہ خونِ وفا کی ہے

شاہا تمہاری مہندی کا ہے رنگ خوشنما

سارا زمانہ غم میں تمہارے ہے رو رہا

خلقت اسیرِ پنجۂ رنج و عنا کی ہے

مہندی اجل کے ہاتھوں پہ خونِ وفا کی ہے

مہندی تمہاری رنگ میں ہے سرخ اے شہا

امت کو بس تمہارے ہی در کا ہے آسرا

دل میں تمہارے غم سے جلن انتہا کی ہے

مہندی اجل کے ہاتھوں پہ خونِ وفا کی ہے

مہندی تمہاری حسن ہے باغِ جمال کا

رنگ اس میں یطہرکم سے کمال کا

ایسی پھبن کہاں کسی رنگِ حنا کی ہے

مہندی اجل کے ہاتھوں پہ خونِ وفا کی ہے

معصوم ادھر تڑپتے ہیں غلبے سے پیاس کے

بارش ہے ان پہ تیروں کی دشمن کے ہاتھ سے

یورش ادھر حسین پہ تیغِ جفا کی ہے

مہندی اجل کے ہاتھوں پہ خونِ وفا کی ہے

مقصود تھا کہ تاجِ شہادت تمہیں ملے

اسباب جو بنے وہ خدا کی طرف سے تھے

اس بارگہ میں ورنہ کمی کس عطا کی ہے

مہندی اجل کے ہاتھوں پہ خونِ وفا کی ہے

اے رب کائنات نرالی ہے تیری شان

وہ صورتِ جمیل کہ تھی فاطمہ کی جان

روندی ہوئی وہ خاک میں دشتِ فنا کی ہے

مہندی اجل کے ہاتھوں پہ خونِ وفا کی ہے

دارِ فنا ہے مہرؔ علی شاہ یہ جہان

دائم خدا کی ذات ہے قائم اسی کی شان

دوچار پل کی بات تمہاری بقا کی ہے

مہندی اجل کے ہاتھوں پہ خونِ وفا کی ہے