duniya ke chaman mein pir mera diwana bana kar chhoD diya

duniyā ke chaman meñ piir merā dīvāna banā kar chhoḌ diyā

har gul meñ shajar meñ qudrat kā mujhe rañg dikhā kar chhoḌ diyā

ik jaam pilā kar mast kiyā mere hosh nahīñ haiñ mujh meñ bajā

is banda-e-haqīr-e-nā-chīz ko ik chiiz banā kar chhoḌ diyā

altāf-e-karam mire murshid kā maiñ bhūlā nahīñ mujhe yaad hai sab

'irfān ke dariyā meñ mujh ko ik ġhota lagā kar chhoḌ diyā

mere chāhne vaalo kah do zarā dekho kaisā fazl murshid kā huā

royā meñ dikhā kar sūrat ko mastāna banā kar chhoḌ diyā

aayā tu nazar mujhe misl-e-qamar parvāna huuñ terā ai dilbar

haq haq kī bāteñ mujh ko sunā durdāna banā kar chhoḌ diyā

nairañgī tamāsha mujh ko dikhā dekhā maiñ har shai meñ hai ḳhudā

nahnū aqrab kī aayat mujh ko paḌhā mire dil ko lubhā kar chhoḌ diyā

sādāt kī chādar rañg diyā nahīñ rañg meñ koī farq zarā

rañg-rez karīmullāh piir mirā rañg denā sikhā kar chhoḌ diyā

ai sayyad mohammad jaan 'qadīr' tirī sūrat meñ hai bhed chhupā

dīvāna karīmullāh 'qādrī' ne dīvāna banā kar chhoḌ diyā

duniya ke chaman mein pir mera diwana bana kar chhoD diya

har gul mein shajar mein qudrat ka mujhe rang dikha kar chhoD diya

ek jam pila kar mast kiya mere hosh nahin hain mujh mein baja

is banda-e-haqir-e-na-chiz ko ek chiz bana kar chhoD diya

altaf-e-karam mere murshid ka main bhula nahin mujhe yaad hai sab

'irfan ke dariya mein mujh ko ek ghota laga kar chhoD diya

mere chahne walo kah do zara dekho kaisa fazl murshid ka hua

roya mein dikha kar surat ko mastana bana kar chhoD diya

aaya tu nazar mujhe misl-e-qamar parwana hun tera ai dilbar

haq haq ki baaten mujh ko suna durdana bana kar chhoD diya

nairangi tamasha mujh ko dikha dekha main har shai mein hai KHuda

nahnu aqrab ki aayat mujh ko paDha mere dil ko lubha kar chhoD diya

sadat ki chadar rang diya nahin rang mein koi farq zara

rang-rez karimullah pir mera rang dena sikha kar chhoD diya

ai sayyad mohammad jaan 'qadir' teri surat mein hai bhed chhupa

diwana karimullah 'qadri' ne diwana bana kar chhoD diya