duniya mein kis ko hai baqa aaKHir fana aaKHir fana

duniyā meñ kis ko hai baqā āḳhir fanā āḳhir fanā

sun le zarā mard-e-ḳhudā āḳhir fanā āḳhir fanā fanā

daulat pe mat kar tū gumāñ rah jā.egī saarī yahāñ

qārūn bhī to kahtā gayā āḳhir fanā āḳhir fanā

hūr-o-parī jinn-o-bashar duniyā ke saare jānvar

kahte haiñ sab ye barmalā āḳhir fanā āḳhir fanā

dikhlā ke apnā bāñkpan kammal ko kar ke zeb-tan

sab kah ga.e shāh-o-gadā āḳhir fanā ākHir fanā

is husn par gar gumān do roz kā hai mehmān

yūsuf ne marte dam kahā āḳhir fanā āḳhir fanā

shāh-e-sikandar ne vilā jab maut kā chakkhā mazā

duniyā se ye kahtā gayā āḳhir fanā āḳhir fanā

hai maut terī taak meñ mil jā.egā tū ḳhaak meñ

qur.ān meñ hai ye likhā āḳhir fanā āḳhir fanā

kar le jo karnā hai tujhe āḳhir ko marnā hai tujhe

sach hai buzurgoñ ne kahā āḳhir fanā āḳhir fanā

kahnā 'valī' kā maan le marne kī dil meñ Thaan le

kar le jo karnā hai bhalā āḳhir fanā āḳhir fanā

duniya mein kis ko hai baqa aaKHir fana aaKHir fana

sun le zara mard-e-KHuda aaKHir fana aaKHir fana fana

daulat pe mat kar tu guman rah jaegi sari yahan

qarun bhi to kahta gaya aaKHir fana aaKHir fana

hur-o-pari jinn-o-bashar duniya ke sare jaanwar

kahte hain sab ye barmala aaKHir fana aaKHir fana

dikhla ke apna bankpan kammal ko kar ke zeb-tan

sab kah gae shah-o-gada aaKHir fana aakHir fana

is husn par gar guman do roz ka hai mehman

yusuf ne marte dam kaha aaKHir fana aaKHir fana

shah-e-sikandar ne wila jab maut ka chakkha maza

duniya se ye kahta gaya aaKHir fana aaKHir fana

hai maut teri tak mein mil jaega tu KHak mein

quran mein hai ye likha aaKHir fana aaKHir fana

kar le jo karna hai tujhe aaKHir ko marna hai tujhe

sach hai buzurgon ne kaha aaKHir fana aaKHir fana

kahna 'wali' ka man le marne ki dil mein Than le

kar le jo karna hai bhala aaKHir fana aaKHir fana