nigah-e-lutf ke umid-war hum bhi hain

nigāh-e-lutf ke umīd-vār ham bhī haiñ

liye hue ye dil-e-be-qarār ham bhī haiñ

hamāre dast-e-tamannā kī laaj bhī rakhnā

tire faqīroñ meñ ai shahr-e-yār ham bhī haiñ

idhar kabhī to sun aqdas ke do qadam jalve

tumhārī raah meñ musht-e-ġhubār ham bhī haiñ

jo sar pe rakhne ko mil jaa.e nā'l-e-pāk-e-rasūl

to phir kaheñge ki haañ tājdār ham bhī haiñ

ye kis shahanshah-e-vālā kā sadqa baTtā hai

ke kHusruoñ meñ paḌī hai pukār ham bhī haiñ

tumhārī ek nigāh-e-karam meñ sab kuchh hai

paḌe hue to sar-e-rahguzār ham bhī haiñ

'hasan' hai jinkī saḳhāvat kī dhuum 'ālam meñ

unhīñ ke tum bhī ho ik reza-ḳhār ham bhī haiñ

nigah-e-lutf ke umid-war hum bhi hain

liye hue ye dil-e-be-qarar hum bhi hain

hamare dast-e-tamanna ki laj bhi rakhna

tere faqiron mein ai shahr-e-yar hum bhi hain

idhar kabhi to sun aqdas ke do qadam jalwe

tumhaari rah mein musht-e-ghubar hum bhi hain

jo sar pe rakhne ko mil jae na'l-e-pak-e-rasul

to phir kahenge ki han tajdar hum bhi hain

ye kis shahanshah-e-wala ka sadqa baTta hai

ke kHusruon mein paDi hai pukar hum bhi hain

tumhaari ek nigah-e-karam mein sab kuchh hai

paDe hue to sar-e-rahguzar hum bhi hain

'hasan' hai jinki saKHawat ki dhum 'alam mein

unhin ke tum bhi ho ek reza-KHar hum bhi hain