جس کے پھندے میں پھنسا ہے دل ہمارا آج کل

جس کے پھندے میں پھنسا ہے دل ہمارا آج کل

وہ نظر آتا نہیں صیاد پیارا آج کل

کیا بتاؤں اس دل بیتاب کی بے تابیاں

کر لیا ہے اس ستم گر نے کنارہ آج کل

اس ادا سے اس نے دکھلائی مجھے اپنی جھلک

ہو گیا جان سے بھی وہ پیارا آج کل

آئینہ اس بت کی صورت کا بنا کر سامنے

کر رہا ہوں قدرت حق کا نظارہ آج کل

اب سنوارو یا بگاڑو بات اتنی جان لو

ہے تمہارے ہاتھ میں بے چارے کا چارہ آج کل

اللہ اللہ اس دل مجبور کی مجبوریاں

کر رہا ہے جو نہ کرنا تھا گوارہ آج کل

دشت غربت میں اکیلا چھوڑ کر وہ چل دیے

پھر رہا ہوں مارا مارا بے سہارا آج کل

یہ نہیں معلوم تو میرا ہوا ہے یا نہیں

جان و دل سے ہو چکا ہوں میں تمہارا آج کل

اب تو اپنا لیجیے حضرت دل مشتاقؔ کو

کھا رہا ہے ٹھوکریں قسمت کا مارا آج کل