ab kahan hai din-o-iman ishq ne ruswa kiya

ab kahāñ hai dīn-o-īmāñ 'ishq ne rusvā kiyā

nā huuñ kāfir nā musalmāñ 'ishq ne rusvā kiyā

yaaro ab jā-e-rukū’-o-sajda-gāh-e-’āshiqāñ

hai ḳham-e-abrū-e-jānāñ 'ishq ne rusvā kiyā

dil ko jo dekhūñ to hai zaḳhm-e-nigah se chūr-chūr

nā asar kartā hai darmāñ 'ishq ne rusvā kiyā

kHanjar-e-taslīm maiñ sar de ke ismā’īl huuñ

lījiye hai 'iid qurbāñ 'ishq ne rusvā kiyā

jab sunā ke lapeTī hai 'sādiq' khaḌā ho huuñ khaḌā

jo ki naqsh-e-naqsh-bandāñ 'ishq ne rusvā kiyā

ab kahan hai din-o-iman 'ishq ne ruswa kiya

na hun kafir na musalman 'ishq ne ruswa kiya

yaro ab ja-e-ruku’-o-sajda-gah-e-’ashiqan

hai KHam-e-abru-e-jaanan 'ishq ne ruswa kiya

dil ko jo dekhun to hai zaKHm-e-nigah se chur-chur

na asar karta hai darman 'ishq ne ruswa kiya

kHanjar-e-taslim main sar de ke isma’il hun

lijiye hai 'id qurban 'ishq ne ruswa kiya

jab suna ke lapeTi hai 'sadiq' khaDa ho hun khaDa

jo ki naqsh-e-naqsh-bandan 'ishq ne ruswa kiya