kaam na jannat se hai na hur na anhaar se
kaam nā jannat se hai nā huur nā anhār se
husn-e-jānāñ par fidā huuñ kaam hai dīdār se
chal nikal zāhid yahāñ se ham to kāfir ho chuke
le tirā dastār jubba kaam hai zunnār se
aage ab mat chheḌ pyāre kah uThūñgā maiñ ḳhudā
nā to Dartā sañg se huuñ nā rasan nā daar se
madrase meñ 'ishq ke jā dars-e-ulfat ke chukā
ho chukā mazbūh Dartā kaun hai ḳhūñḳhvār se
bas miyāñ daftar lapeTo kaafī hai ab ek harf
naam hī kā pher hai kuchh nuur se aur naar se
lapeTī hai 'sādiq' ḳharābātī na ho kahte haiñ sab
kis kī suntā hai lagāyā jo ki dil dildār se
kaam na jannat se hai na hur na anhaar se
husn-e-jaanan par fida hun kaam hai didar se
chal nikal zahid yahan se hum to kafir ho chuke
le tera dastar jubba kaam hai zunnar se
aage ab mat chheD pyare kah uThunga main KHuda
na to Darta sang se hun na rasan na dar se
madrase mein 'ishq ke ja dars-e-ulfat ke chuka
ho chuka mazbuh Darta kaun hai KHunKHwar se
bas miyan daftar lapeTo kafi hai ab ek harf
nam hi ka pher hai kuchh nur se aur nar se
lapeTi hai 'sadiq' KHarabaati na ho kahte hain sab
kis ki sunta hai lagaya jo ki dil dildar se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
