کام نہ جنت سے ہے نا حور نا انہار سے

کام نہ جنت سے ہے نا حور نا انہار سے

حسنِ جاناں پر فدا ہوں کام ہے دیدار سے

چل نکل زاہد یہاں سے ہم تو کافر ہو چکے

لے ترا دستارِ جبہ کام ہے زنار سے

آگے اب مت چھیڑ پیارے کہہ اٹھوں گا میں خدا

نا تو ڈر تا سنگ سے ہوں نا رسن نادار سے

مدرسے میں عشق کے جا درسِ الفت لے چکا

ہو چکا مذبوح ڈرتا کون ہے خونخوار سے

بس میاں دفتر لپیٹو کافر ہے اب ایک حرف

نام ہی کا پھیر ہے کچھ نور سے اور نار سے

خیر ہے صادق خراباتی نہ ہو کہتے ہیں سب

کس کی سنتا ہے لگایا جو کہ دل دلدار سے