parwarda-e-tufan hokar hum tufan se kinara kya karte

parvarda-e-tūfāñ hokar ham tūfān se kinārā kyā karte

sāhil kī tamannā kyuuñ karte kashtī kā sahārā kyā karte

maa.il ba-karam haiñ vo paiham ham us ko gavārā kyā karte

āsūd-e-āfat duniyā meñ ’ishrat kā sahārā kyā karte

chhūTe haiñ qafas se ham us se pardāz kī tāqat hī na rahī

gulshan meñ pahuñchnā mushkil hai gulshan kā nazārā kyā karte

jaltā huā gulshan dekhte hī muñh pher liyā ham ne apnā

phūloñ ko taḌap kar jalne ko batlāo gavārā kyā karte

gulchīñ ke sitam se ai 'faḳhrī' āgāh kareñ kaise gul ko

nazroñ se ishāra mushkil hai hāthoñ se ishārā kyā karte

parwarda-e-tufan hokar hum tufan se kinara kya karte

sahil ki tamanna kyun karte kashti ka sahaara kya karte

mail ba-karam hain wo paiham hum us ko gawara kya karte

aasud-e-afat duniya mein ’ishrat ka sahaara kya karte

chhuTe hain qafas se hum us se pardaz ki taqat hi na rahi

gulshan mein pahunchna mushkil hai gulshan ka nazara kya karte

jalta hua gulshan dekhte hi munh pher liya hum ne apna

phulon ko taDap kar jalne ko batlao gawara kya karte

gulchin ke sitam se ai 'faKHri' aagah karen kaise gul ko

nazron se ishaara mushkil hai hathon se ishaara kya karte