مینوں تیرے فراق نے مار سٹیا آجا آجا او جان بہار آجا
مینوں تیرے فراق نے مار سٹیا آجا آجا او جان بہار آجا
پیر نصیرالدین نصیرؔ
MORE BYپیر نصیرالدین نصیرؔ
مینوں تیرے فراق نے مار سٹیا آجا آجا او جان بہار آجا
ایہناں ساہواں دا نہیں اتبار کوئی تینوں ویخ تے لا اک وار آجا
مالا تیرے پریم دی گل پا کے تیرے رہ وچ سیس نوا بیٹھی
تیرے اون دی خوشی وچ اجے توڑی بیٹھی کرنی آں ہار سنگھار آجا
تینوں لکھ لکھ چٹھیاں پاونی آں دل چیر کے پئی وکھاونی آں
چناں دوریاں نوں ہن تے دور کر کے ساری عمر دے لئی اکو وار آجا
تیری دید نوں اکھیاں ترس گئیاں لکھاں بدلیاں غم دیاں برس گئیاں
تینوں قسم ہے اپنیاں غفلتاں دی میرے کول مرے غم خوار آجا
آتش ہجر بدن بدن پئی ساڑدی اے میریاں وسدیاں جھوکاں اجاڑدی اے
دو تن ہچکیاں رہ گیاں موت وچوں ہن تے جین دے نئیں آثار آجا
آ کے کدی تے پچھ دل اوسدے توں، جیہدی آس دی دنیا توں لٹ لئی اے
کنی لمبی اے رات جدائیاں دی مرے مہربان دل دار آجا
سدا حسن دے بدّل گجدے نئیں سدا ظلم دے واجے وجدے نئیں
میریا جگ توں سوہنیا محبوبہ ہے نصیرؔ ڈاہڈا بے قرار آجا
- کتاب : کلیاتِ نصیر (Pg. 1143)
یہ متن درج ذیل زمرے میں بھی شامل ہے
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
