aankhon mein aa gaya hai koi KHwab barmala hayya-’alal-falah-o-hayya-alal-falah

āñkhoñ meñ aa gayā hai koī ḳhvāb barmalā hayyā-’alal-falāh-o-hayyā-'alal-falāh

dasht-e-takHayyulāt meñ chalne lagī havā hayyā-’alal-falāh-o-hayyā-'alal-falāh

ab ranj-o-ġham kī shāmeñ bhī shab meñ badal ga.iiñ ab āftāb-e-husn kī kirneñ bhī Dhal ga.iiñ

hone ko ’an-qarīb hai vaqt-e-sahar sunā hayyā-’alal-falāh-o-hayyā-'alal-falāh

tum ne vafā ke vā'de vafā kar liye chalo ḳhud ko uThāo siine meñ mahshar liye chalo

tasvīr-e-kā.enāt kā naqsha badal chukā hayyā-’alal-falāh-o-hayyā-'alal-falāh

yaum-e-alast yaad hai aur yaad hai vo baat vo ek baat jis ke sabab hai ye kā.ināt

tum ko javāb mil hī gayā is savāl kā hayyā-’alal-falāh-o-hayyā-'alal-falāh

yuuñ to bahār-e-vaqt muiin kī hai asiir shādābiyat bhī chand zamānoñ kī hai aḳhīr

jāved honā chāhtā hai to qadam baḌhā hayyā-’alal-falāh-o-hayyā-'alal-falāh

aankhon mein aa gaya hai koi KHwab barmala hayya-’alal-falah-o-hayya-'alal-falah

dasht-e-takHayyulat mein chalne lagi hawa hayya-’alal-falah-o-hayya-'alal-falah

ab ranj-o-gham ki shamen bhi shab mein badal gain ab aaftab-e-husn ki kirnen bhi Dhal gain

hone ko ’an-qarib hai waqt-e-sahar suna hayya-’alal-falah-o-hayya-'alal-falah

tum ne wafa ke wa'de wafa kar liye chalo KHud ko uThao sine mein mahshar liye chalo

taswir-e-kaenat ka naqsha badal chuka hayya-’alal-falah-o-hayya-'alal-falah

yaum-e-alast yaad hai aur yaad hai wo baat wo ek baat jis ke sabab hai ye kainat

tum ko jawab mil hi gaya is sawal ka hayya-’alal-falah-o-hayya-'alal-falah

yun to bahaar-e-waqt muin ki hai asir shadabiyat bhi chand zamanon ki hai aKHir

jawed hona chahta hai to qadam baDha hayya-’alal-falah-o-hayya-'alal-falah