tumhaare maston mein humne saqi ajab tarah ka hisab dekha

tumhāre mastoñ meñ ham ne saaqī 'ajab tarah kā hisāb dekhā

ki ḳhūn-e-dil kī sharāb dekhī jigar ko yaksar kabāb dekhā

tumhāre 'āriz ko jis ne jānāñ jo ek dam be-naqāb dekhā

to baa'd us ke har ek zarra meñ us ne bus āftāb dekhā

jo ek lahza meñ de rihā.ī tamām qaid-e-ġham jahāñ se

koī bhī ai dil jahāñ meñ tū ne misāl-e-jām-e-sharāb dekhā

kisī ko mānind barq dekhā tapāñ tumhāre alam meñ jānāñ

kisī ko ġham meñ tumhāre giryāñ jahāñ meñ misl-e-javāb dekhā

jo merā murshid hai shaah ḳhādim kahūñ maiñ kyā vasf us kā 'āsim'

na koī us kī misāl ham ne jahāñ meñ 'aalī janāb dekhā

tumhaare maston mein hum ne saqi 'ajab tarah ka hisab dekha

ki KHun-e-dil ki sharab dekhi jigar ko yaksar kabab dekha

tumhaare 'ariz ko jis ne jaanan jo ek dam be-naqab dekha

to ba'd us ke har ek zarra mein us ne bus aaftab dekha

jo ek lahza mein de rihai tamam qaid-e-gham jahan se

koi bhi ai dil jahan mein tu ne misal-e-jam-e-sharab dekha

kisi ko manind barq dekha tapan tumhaare alam mein jaanan

kisi ko gham mein tumhaare giryan jahan mein misl-e-jawab dekha

jo mera murshid hai shah KHadim kahun main kya wasf us ka 'asim'

na koi us ki misal hum ne jahan mein 'ali janab dekha