تمہارے مستوں میں ہم نے ساقی عجب طرح کا حساب دیکھا

تمہارے مستوں میں ہم نے ساقی عجب طرح کا حساب دیکھا

کہ خونِ دل کی شراب دیکھی جگر کو یکسر کباب دیکھا

تمہارے عارض کو جس نے جاناں جو ایک دم بے نقاب دیکھا

تو بعد اس کے ہر ایک ذرہ میں اس نے بس آفتاب دیکھا

جو ایک لحظہ میں دے رہائی تمام قیدِ غم جہاں سے

کوئی بھی اے دل جہاں میں تو نے مثال جام شراب دیکھا

کسی کو مانندِ برق دیکھا تپاں تمہارے الم میں جاناں

کسی کو غم میں تمہارے گریاں جہاں میں مثل جواب دیکھا

جو میرا مرشد ہے شاہ خادم کہوں میں کیا وصف اس کا آثمؔ

نہ کوئی اس کی مثال ہم نے جہاں میں عالی جناب دیکھا