mujhe madhosh karna aur diwana bana dena
mujhe madhosh karna aur diwana bana dena
Shah Taqi Raaz Barelvi
MORE BYShah Taqi Raaz Barelvi
mujhe mad.hosh karnā aur dīvāna banā denā
milā kar aañkh afsāna dar afsāna banā denā
tumhārī mast nazroñ meñ hai ik tūfān-e-sar-mastī
tumhārā khel hai qatra ko mai-ḳhāna banā denā
ġharaz ye hai sukūñ hāsil na ho mujh ko zamāne meñ
jo apnā ban na pā.ūñ maiñ to begāna banā denā
mujhe apnā gadā apnā bhikārī apnā saudā.ī
niyāzāna nahīñ to be-niyāzāna banā denā
tamannā hai magar ik 'rāz' kī sūrat se hai dil meñ
abhī to riñd huuñ phir pīr-e-mai-ḳhāna banā denā
mujhe madhosh karna aur diwana bana dena
mila kar aankh afsana dar afsana bana dena
tumhaari mast nazron mein hai ek tufan-e-sar-masti
tumhaara khel hai qatra ko mai-KHana bana dena
gharaz ye hai sukun hasil na ho mujh ko zamane mein
jo apna ban na paun main to begana bana dena
mujhe apna gada apna bhikari apna saudai
niyazana nahin to be-niyazana bana dena
tamanna hai magar ek 'raaz' ki surat se hai dil mein
abhi to rind hun phir pir-e-mai-KHana bana dena
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
