محبت سہل بھی دشوار بھی ہے
یہ شعلہ نور بھی ہے نار بھی ہے
جنوں محو خیال یار بھی ہے
یہ دیوانہ ذرا ہوشیار بھی ہے
میں ایسی یاد کو کیوں کر بھلا دوں
کہ غم ہی غم نہیں غمخوار بھی ہے
مسلسل ہجر سے گھبرا نہ اے دل
اسی منزل میں کوئے یار بھی ہے
مجھے کیوں دیکھتا ہے سارا عالم
تو کیا مجھ میں جمال یار بھی ہے
کہاں تک نالہ و فریاد شیریؔ
ارے تجھ کو خیال یار بھی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
