ہم نے دیکھیں ہزار کی آنکھیں
ہم نے دیکھیں ہزار کی آنکھیں
پر کہاں اس نگار کی آنکھیں
لال ڈورے ہیں بند پائے نظر
صید کرتی ہیں یار کی آنکھیں
جانتے ہو کہ کہہ رہی کیا ہیں
عاشق بے قرار کی آنکھیں
کب یہ راحت سے بیٹھنے دیں گی
کہیں چھپتی ہیں پیار کی آنکھیں
ان پپوٹوں میں یا مرے دل میں
کس میں رہتی ہیں یار کی آنکھیں
کیا کیا اس نے خود نہیں واقف
ایک عالم شکار کی آنکھیں
کرتی ہیں راز دل کی غمازی
عاشق پردہ دار کی آنکھیں
بعد مردن بھی تھیں کھلی کی کھلی
ہائے وہ انتظار کی آنکھیں
بے پلائے کے مست کرتی ہیں
ساقیٔ پر خمار کی آنکھیں
نہ بھلائی گئیں بھلانے سے
حسرتؔ جاں سپار کی آنکھیں
مأخذ :
- کتاب : سرودِ روحانی (Pg. 191)
- اشاعت : Second
یہ متن درج ذیل زمرے میں بھی شامل ہے
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
