tere kahne se main az-bas-ki bahar ho nahin sakta

tire kahne se maiñ az-bas-ki bāhar ho nahīñ saktā

irāda sabr kā karatā to huuñ par ho nahīñ saktā

kahā jab maiñ terā bosa to jaise qand hai pyāre

lagā tab kahne par qand-e-mukarrar ho nahīñ saktā

dil-e-āvāra uljhe yā kasū kī zulf se yā-rab

ilaaj āvārgī kā is se behtar ho nahīñ saktā

mirī be-sabriyoñ kī baat meñ sab se vo kahtā hai

tahammul mujh se bhī to haal sun kar ho nahīñ saktā

kare kyā fā.eda nāchīz ko taqlīd achchhoñ kī

ki jam jaane se kuchh olā to gauhar ho nahīñ saktā

nahīñ chaltā hai kuchh apnā to tere ishq ke aage

hamāre dil pe koī aur to dar ho nahīñ saktā

kahā maiñ yuuñ to mil jaate ho aakar ba.ad muddat ke

agar chāho to ye kyā tum se aksar ho nahīñ saktā

lagā kahne samajh is baat ko Tuk tū ki jald itnā

tire ghar aane jaane meñ mirā ghar ho nahīñ saktā

bachūñ kis tarah maiñ ai dard us kī teġh-e-abrū se

ki jis ke sāmne aa.e koī jāñ-bar ho nahīñ saktā

tere kahne se main az-bas-ki bahar ho nahin sakta

irada sabr ka karata to hun par ho nahin sakta

kaha jab main tera bosa to jaise qand hai pyare

laga tab kahne par qand-e-mukarrar ho nahin sakta

dil-e-awara uljhe ya kasu ki zulf se ya-rab

ilaj aawargi ka is se behtar ho nahin sakta

meri be-sabriyon ki baat mein sab se wo kahta hai

tahammul mujh se bhi to haal sun kar ho nahin sakta

kare kya faeda nachiz ko taqlid achchhon ki

ki jam jaane se kuchh ola to gauhar ho nahin sakta

nahin chalta hai kuchh apna to tere ishq ke aage

hamare dil pe koi aur to dar ho nahin sakta

kaha main yun to mil jate ho aakar baad muddat ke

agar chaho to ye kya tum se aksar ho nahin sakta

laga kahne samajh is baat ko Tuk tu ki jald itna

tere ghar aane jaane mein mera ghar ho nahin sakta

bachun kis tarah main ai dard us ki tegh-e-abru se

ki jis ke samne aae koi jaan-bar ho nahin sakta