dil ke andar aa gayā ye kaun thā
parda parda meñ chhupā ye kaun thā
ho gayā behosh muusā kī tarah
dil ko lekar chal diyā ye kaun thā
ḳhvāb meñ dikhlā.ī kis ne ye adā
sote sote meñ uThā kaun kaun thā
dekhtā hī rah gayā sūrat ko maiñ
ye chalā aur vo chalā ye kaun thā
yak-ba-yak bāhar sharī'at se huā
qum bi-iznī kah gayā ye kaun thā
bhīnī bhīnī kaisī ḳhushbū ho ga.ī
tū batā bād-e-sabā ye kaun thā
sāġhar-e-vahdat pilā kar chhup gayā
mast mujh ko kar gayā ye kaun thā
kī du'ā muusā ne go fir.aun par
ġharq lashkar ho gayā ye kaun thā
kisī ne 'jauhar' aake dikhlā dī jhalak
yak-ba-yak dil hil gayā ye kaun thā
dil ke andar aa gaya ye kaun tha
parda parda mein chhupa ye kaun tha
ho gaya behosh musa ki tarah
dil ko lekar chal diya ye kaun tha
KHwab mein dikhlai kis ne ye ada
sote sote mein uTha kaun kaun tha
dekhta hi rah gaya surat ko main
ye chala aur wo chala ye kaun tha
yak-ba-yak bahar shari'at se hua
qum bi-izni kah gaya ye kaun tha
bhini bhini kaisi KHushbu ho gai
tu bata baad-e-saba ye kaun tha
saghar-e-wahdat pila kar chhup gaya
mast mujh ko kar gaya ye kaun tha
ki du'a musa ne go firaun par
gharq lashkar ho gaya ye kaun tha
kisi ne 'jauhar' aake dikhla di jhalak
yak-ba-yak dil hil gaya ye kaun tha
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
