KHuda ban kar KHudai ko bhi wo barbaad karte hain

ḳhudā ban kar ḳhudā.ī ko bhī vo barbād karte haiñ

sitam ījād haiñ ye but sitam ījād karte haiñ

tumhāre chāhne vaale shab-e-ġham yaad karte haiñ

kabhī sheva kabhī naale kabhī fariyād karte haiñ

ḳhayāl-e-ġhair meñ jaane kā shikva kyuuñ na ho mujh ko

mire dil meñ jo rahte haiñ mujhe barbād karte haiñ

mirī nazroñ meñ phirte haiñ mire dil meñ samāte haiñ

mujhe ābād karte haiñ mujhe barbād karte haiñ

dhḌaknā dil kā tahrīk-e-fuġhāñ se zabt meñ mujh ko

samajhtā huuñ ki hazrat phir vahī irshād karte haiñ

tajāhul ho ki shoḳhī ho taġhāful ho nahīñ saktā

mujhī ko pūchhte haiñ vo mujhī ko yaad karte haiñ

janāb-e-'ishq ḳhud to ḳhāna-barbād ke bā'is haiñ

'atā mujh ko ḳhitāb-e-kHānmā barbād karte haiñ

mirī turbat aur dāman bachā.e naaz se chalnā

mujhe vo ḳhaak samjhe jo yuuñ barbād karte haiñ

sitāre jhilmilā jā.eñge muñh-faq chāñd sā hogā

'qamar' nā-haq 'ayāñ daaġh nā-shād karte haiñ

KHuda ban kar KHudai ko bhi wo barbaad karte hain

sitam ijad hain ye but sitam ijad karte hain

tumhaare chahne wale shab-e-gham yaad karte hain

kabhi shewa kabhi nale kabhi fariyaad karte hain

KHayal-e-ghair mein jaane ka shikwa kyun na ho mujh ko

mere dil mein jo rahte hain mujhe barbaad karte hain

meri nazron mein phirte hain mere dil mein samate hain

mujhe aabaad karte hain mujhe barbaad karte hain

dhDakna dil ka tahrik-e-fughan se zabt mein mujh ko

samajhta hun ki hazrat phir wahi irshad karte hain

tajahul ho ki shoKHi ho taghaful ho nahin sakta

mujhi ko puchhte hain wo mujhi ko yaad karte hain

janab-e-'ishq KHud to KHana-barbaad ke ba'is hain

'ata mujh ko KHitab-e-kHanma barbaad karte hain

meri turbat aur daman bachae naz se chalna

mujhe wo KHak samjhe jo yun barbaad karte hain

sitare jhilmila jaenge munh-faq chand sa hoga

'qamar' na-haq 'ayan dagh na-shad karte hain