ye humne mana ki aaj KHanjar mera gulu mein nahin rahega

ye ham ne maanā ki aaj ḳhanjar mirā gulū meñ nahīñ rahegā

kamar meñ qātil ke o sitam-gar hamesha tū bhī nahīñ rahegā

rahegā kab tak vo shoḳh rāġhib chaleñge kab tak ye jhuuT kāzib

le ham to jaate magar musāhib-e-raqīb tū bhī nahīñ rahegā

abhī to zardī hai ruḳh pe kam kam 'abas kyuuñ rote 'azīz hamdam

rahī hai jo chand din tap-e-ġham to ye subū bhī nahīñ rahegā

bahāna kartā hai saaqī kyā kyā kahāñ hai shīshe meñ mai kā qatra

ḳhudā ne chāhā to dekh lenā terā subū bhī nahīñ rahegā

kahūñ maiñ jarrāh tujh se haq haq lagā ke Tāñke na ban tū ahmaq

taḌap rahā hai merā dil shaqq terā fū bhī na rahegā

ye hum ne mana ki aaj KHanjar mera gulu mein nahin rahega

kamar mein qatil ke o sitam-gar hamesha tu bhi nahin rahega

rahega kab tak wo shoKH raghib chalenge kab tak ye jhuT kazib

le hum to jate magar musahib-e-raqib tu bhi nahin rahega

abhi to zardi hai ruKH pe kam kam 'abas kyun rote 'aziz hamdam

rahi hai jo chand din tap-e-gham to ye subu bhi nahin rahega

bahana karta hai saqi kya kya kahan hai shishe mein mai ka qatra

KHuda ne chaha to dekh lena tera subu bhi nahin rahega

kahun main jarrah tujh se haq haq laga ke Tanke na ban tu ahmaq

taDap raha hai mera dil shaqq tera fu bhi na rahega