parda se ayan ruKH ke jab jalwagari hogi

parda se 'ayāñ ruḳh ke jab jalvagarī hogī

muusā kī tarah ham ko bas be-ḳhabarī hogī

ho jaa.e agar 'āshiq vo sūrat-e-zebā.ī

qāsid se bhalā kyuuñ kar phir nāma-barī hogī

qāsid ye kam hai kyā khūcha-e-jānāñ kā

das biis khaḌe hoñge jis jā vo parī hogī

koī bhī nahīñ hogā ham-rāh mire marqad meñ

hogī mirī tanhā.ī aur be-ḳhabarī hogī

jal jaatā hai jo ugtā hai sabza-e-ḳhvābīda

shaukat tire marqad par kyā ḳhaak paḌī hogī

parda se 'ayan ruKH ke jab jalwagari hogi

musa ki tarah hum ko bas be-KHabari hogi

ho jae agar 'ashiq wo surat-e-zebai

qasid se bhala kyun kar phir nama-bari hogi

qasid ye kam hai kya khucha-e-jaanan ka

das bis khaDe honge jis ja wo pari hogi

koi bhi nahin hoga ham-rah mere marqad mein

hogi meri tanhai aur be-KHabari hogi

jal jata hai jo ugta hai sabza-e-KHwabida

shaukat tere marqad par kya KHak paDi hogi