lubhata hai nihayat dil ko KHat-e-ruKHsar-e-jaanan ka

lubhātā hai nihāyat dil ko ḳhat-e-ruḳhsār-e-jānāñ kā

ghasīTegā mujhe kāñToñ meñ sabza us gulistāñ kā

ravāñ rakhtā hai ḳhuun āñkhoñ se hijr ik māh-e-tābāñ kā

shafaq-ālūda rahtā hai hilāl apne garebāñ kā

hasīnoñ ko diyā dil jis ne hālat jaañ par khelā

ravā rakhte haiñ ḳhū ye log be-taqsīr-e-insāñ kā

ḳhat-e-naurasan ne dilvā.e lab-e-jāñ-baḳhsh ke bose

dikhāyā ḳhizr ne ātish ko chashma āb-e-haivāñ kā

lubhata hai nihayat dil ko KHat-e-ruKHsar-e-jaanan ka

ghasiTega mujhe kanTon mein sabza us gulistan ka

rawan rakhta hai KHun aankhon se hijr ek mah-e-taban ka

shafaq-aluda rahta hai hilal apne gareban ka

hasinon ko diya dil jis ne haalat jaan par khela

rawa rakhte hain KHu ye log be-taqsir-e-insan ka

KHat-e-naurasan ne dilwae lab-e-jaan-baKHsh ke bose

dikhaya KHizr ne aatish ko chashma aab-e-haiwan ka