چھیڑتے ہیں وہ دار و رسن جیسے ہم ان کی باتوں سے ڈر جائیں گے

چھیڑتے ہیں وہ دار و رسن جیسے ہم ان کی باتوں سے ڈر جائیں گے

جو ہیں اہل جنوں جذبۂ عشق میں ہر گھٹن راستے سے گزر جائیں گے

آج اک کل ہیں دو مصیبت کے سو کر کے ایک ایک اجنبی گزر جائیں گے

ہیں مناسب یہی سر جھکائے رکھو سر اٹھایا تو لاکھوں کے سر جائیں گے

ناز سب کج کلاہی اٹھائیں گے ہم تجھ سے عہد محبت نبھائیں گے ہم

اپنے دامن میں کانٹے بھرے ہوں مگر تیرا آغوش پھولوں سے بھر جائیں گے

باغباں باغ تیرا یہ گل بھی ترے ہم مسافر تو بس یونہی بدنام ہیں

ایک شب کا بسیرا ہے اپنا یہاں صبح ہوگی نہ جانے کدھر جائیں گے

جتنے شکوے گلے ہیں مٹا لے ابھی جو سنانا ہے اے دل سنا لے ابھی

ان حسینوں کا کوئی بھروسہ نہیں آج وعدہ کیا کل مکر جائیں گے

جس کو صحرا ہی سمجھے تھے اپنا وطن پھول غیروں کو اور ہم کو کانٹے ملے

آئے تھے پھول چننے بڑے فخر سے کیا خبر تھی جھکا کر نظر جائیں گے