naqab ruKH se uTha lo ki id aai hai

naqāb ruḳh se uThā lo ki 'iid aa.ī hai

hameñ gale se lagā lo ki 'iid aa.ī hai

nazar nazar se milā lo ki 'iid aa.ī hai

usī kā jashn manā lo ki 'iid aa.ī hai

hamārī baat na Taalo ki 'iid aa.ī hai

hameñ gale se lagā lo ki 'iid aa.ī hai

ḳhushī meñ 'iid ki itnā karam to farmāo

gale se chāhne vāloñ ke aake lag jaao

'iid milne ke bahāne to paas aa jaao

sahārā pyaar kā de do hameñ na taḌpāo

ham 'āshiqoñ kī du'ā lo ki 'iid aa.ī hai

kabhī to baat karo sāmne aa kar dilbar

hameñ dikhā do chehra-e-anvar dilbar

'iid ke roz ko milnā bhī hai behtar

bhulā ke saare gile aaj to ham par dilbar

nigāh lutf kī Daalo ki 'iid aa.ī hai

'iid kā din to baḌā lā-javāb hotā hai

surūr dil ko 'ajab dastiyāb hotā hai

har ek chehra shagufta gulāb hotā hai

'iid milne se to hāsil savāb hotā hai

savāb tum bhī kamā lo ki 'iid aa.ī hai

ḳhushī se log hue jā rahe haiñ dīvāne

bhulā diye haiñ 'adāvat ke saare afsāne

kHulūs-o-pyār ke chhalke hue haiñ paimāne

ḳhudā-rā chhoḌ do hārūn har sitam Dhāne

qarīb apne bulā lo ki 'iid aa.ī hai

vo dil hī kyā tere milne kī jo du'ā na kare

maiñ tujh ko bhuul ke zinda rahūñ ḳhudā na kare

hameñ gale se lagā lo ki 'iid aa.ī hai

naqab ruKH se uTha lo ki 'id aai hai

hamein gale se laga lo ki 'id aai hai

nazar nazar se mila lo ki 'id aai hai

usi ka jashn mana lo ki 'id aai hai

hamari baat na Talo ki 'id aai hai

hamein gale se laga lo ki 'id aai hai

KHushi mein 'id ki itna karam to farmao

gale se chahne walon ke aake lag jao

'id milne ke bahane to pas aa jao

sahaara pyar ka de do hamein na taDpao

hum 'ashiqon ki du'a lo ki 'id aai hai

kabhi to baat karo samne aa kar dilbar

hamein dikha do chehra-e-anwar dilbar

'id ke roz ko milna bhi hai behtar

bhula ke sare gile aaj to hum par dilbar

nigah lutf ki Dalo ki 'id aai hai

'id ka din to baDa la-jawab hota hai

surur dil ko 'ajab dastiyab hota hai

har ek chehra shagufta gulab hota hai

'id milne se to hasil sawab hota hai

sawab tum bhi kama lo ki 'id aai hai

KHushi se log hue ja rahe hain diwane

bhula diye hain 'adawat ke sare afsane

kHulus-o-pyar ke chhalke hue hain paimane

KHuda-ra chhoD do haarun har sitam Dhane

qarib apne bula lo ki 'id aai hai

wo dil hi kya tere milne ki jo du'a na kare

main tujh ko bhul ke zinda rahun KHuda na kare

hamein gale se laga lo ki 'id aai hai