ہم نہ سمجھے تیری نظروں کا تقاضہ کیا ہے

ہم نہ سمجھے تیری نظروں کا تقاضہ کیا ہے

کبھی جلوہ، کبھی پردہ، یہ تماشہ کیا ہے

مجھ کو مدہوش سا کر رکھا ہے تیری آنکھوں نے

ورنہ اے ساقی! تیرے میخانے میں رکھا کیا ہے

دیکھ لیلیٰ تیرے مجنوں کا کلیجہ کیا ہے

خاک میں مل کے بھی کہتا ہے کہ بگڑا کیا ہے

یہ صراحی سا بدن لے کے میرے سامنے نہ آ

میں شرابی ہوں شرابی کا بھروسہ کیا ہے

اپنے ہونٹوں کو میرے ہونٹوں سے چھونے تو دے

ایک دو گھونٹ سے بوتل کا بگڑتا کیا ہے