ruKH-e-raushan ko jo zulfon mein chhupa rakkha hai

ruḳh-e-raushan ko jo zulfoñ meñ chhupā rakkhā hai

bazm-e-'ushshāq meñ andher machā rakkhā hai

roz-marra ke jafā-o-jaur ko vo bhūle kaise

ġhair ke kahne se tum ho ga.e bad-zan mujh se

yaad ko merī tumhīñ ne to bhulā rakkhā hai

ek vo bhī na kiyā tum ne jafāoñ se gurez

tum ko rozāna vafāoñ se rahā hai parhez

vafā kā naam to tum ne hī jafā rakhā hai

baat karnā to kujā chehra dikhānā hai muhāl

ek din bhī merī majbūrī kā huuñ na ḳhayāl

vasl se tum ne to mahrūm sadā rakhā hai

ġhair pe kis tarah zāhir huā ye rāz-e-nihāñ

ek tum sachche ho jhūTā hai zamāna kā bayāñ

jaane do chhoḌo bhī is baat meñ kyā rakkhā hai

pair meñ mehñdī lagī hai kyā tumhāre bolo

kyuuñ uThāte nahīñ chilman ko zarā lab kholo

chāhne vāloñ se kyuuñ muñh ko chhupā rakkhā hai

jab ki bechain kyā ham ko dil par ġham ne

dil kī taskīn kī ḳhātir se sitam-gar ham ne

terī tasvīr ko siine se lagā rakkhā hai

bazm-e-aġhyār meñ be-sharmī ke hī parde uThe

ye bhī kyā zulam hai afsos mire hote hue

us ne aġhyār ko pahlū meñ biThā rakkhā hai

ruKH-e-raushan ko jo zulfon mein chhupa rakkha hai

bazm-e-'ushshaq mein andher macha rakkha hai

roz-marra ke jafa-o-jaur ko wo bhule kaise

ghair ke kahne se tum ho gae bad-zan mujh se

yaad ko meri tumhin ne to bhula rakkha hai

ek wo bhi na kiya tum ne jafaon se gurez

tum ko rozana wafaon se raha hai parhez

wafa ka nam to tum ne hi jafa rakha hai

baat karna to kuja chehra dikhana hai muhaal

ek din bhi meri majburi ka hun na KHayal

wasl se tum ne to mahrūm sada rakha hai

ghair pe kis tarah zahir hua ye raaz-e-nihan

ek tum sachche ho jhuTa hai zamana ka bayan

jaane do chhoDo bhi is baat mein kya rakkha hai

pair mein mehndi lagi hai kya tumhaare bolo

kyun uThate nahin chilman ko zara lab kholo

chahne walon se kyun munh ko chhupa rakkha hai

jab ki bechain kya hum ko dil par gham ne

dil ki taskin ki KHatir se sitam-gar hum ne

teri taswir ko sine se laga rakkha hai

bazm-e-aghyar mein be-sharmi ke hi parde uThe

ye bhi kya zulam hai afsos mere hote hue

us ne aghyar ko pahlu mein biTha rakkha hai