رخ روشن کو جو زلفوں میں چھپا رکھا ہے

رخ روشن کو جو زلفوں میں چھپا رکھا ہے

بزمِ عشاق میں اندھیر مچا رکھا ہے

روز مرہ کے جفا و جور کو وہ بھولے کیسے

غیر کے کہنے سے تم ہوگئے بدظن مجھ سے

یاد کو میری تمہیں نے تو بھلا رکھا ہے

ایک وہ بھی نہ کیا تم نے جفاؤ سے گریز

تم کو روزانہ وفاؤں سے رہا ہے پرہیز

وفا کا نام تو تم نے ہی جفا رکھا ہے

بات کرنا تو کجا چہرہ دکھانا ہے بحال

ایک دن بھی میری مجبوری کا آیا نہ خیال

وصل سے تم نے تو محروم سدا رکھا ہے

غیر پہ کس طرح ظاہر ہوا یہ رازِ نہاں

ایک تم سچے ہو جھوٹا ہے زمانہ کا بیاں

جانے دو چھوڑو بھی اس بات میں کیا رکھا ہے

پیر میں مہندی لگی ہے کیا تمہارے بولو

کیوں اٹھاتے نہیں چلمن کو ذرا لب کھولو

چاہنے والوں سے کیوں منہ کو چھپا رکھا ہے

جب کہ بے چین کیا ہم کو دل پر غم نے

دل کی تسکین کی خاطر سے ستمگر ہم نے

تیری تصویر کو سینہ سے لگا رکھا ہے

بزمِ اغیار میں بے شرمی کے ہی پردے اٹھے

یہ بھی کیا ظلم ہے افسوس مرے ہوتے ہوئے

اس نے اغیار کو پہلو میں بٹھا رکھا ہے