ye bazm mein jam-e-mai-o-saqi se waiza tujhko zid abas hai

ye bazm meñ jām-e-mai-o-sāqī se vā'izā tujh ko zid 'abas hai

kabhī tū kar un meñ ho ke shāmil charāġh raushan murād hāsil

ba-īñ tajallī-o-sāda-rūī tū husn meñ garche be-misl hai

magar ho 'āriz pe tere ik til charāġh raushan murād hāsil

farāġh-e-dil se ḳhushī manāo lo ab to ghī ke diye jalāo

ki aa.ī 'āshiq kī chhātī pe sal charāġh raushan murād hāsil

jo kījiye saiqal-e-tabī'at nikaltā hai joauhar-e-haqīqat

ki 'shams' se jab ki uTh gayā zil charāġh raushan murād hāsil

jamāl-e-tanzīh bahr-e-zātī hai vaañ na ġhā.eb hai na shahādat

jalāl-e-tashbīh mauj-e-sāhil charāġh raushan murād hāsil

amānat-e-husn-o-'ishq hargiz uThe na arz-o-samā se lekin

huā bashar jab ki us kā hāmil charāġh raushan murād hāsil

bar aa.ī kHuub ārzū-e-gul-gīr niklī parvāna kī tamannā

muue ye hote haiñ pesh-e-mahfil charāġh raushan murād hāsil

tajallī-e-nayyar-e-haqīqī se jab ki chamke zamīñ ke zarre

zuhūr-e-haq ho ke phir tū kāmil charāġh raushan murād hāsil

jalā.e lam'āt-e-barq-e-vahdat ne kHāshāk-e-hāye kasrat

tajallī-e-haq ne phūñkā bātil charāġh raushan murād hāsil

tasavvur-e-yār thā jo dil meñ bhaḌak uThā misl nār-e-dar-kHas

jalāyā 'ulvī' kā ye tan-e-gul charāġh raushan murād hāsil

ye bazm mein jam-e-mai-o-saqi se wa'iza tujh ko zid 'abas hai

kabhi tu kar un mein ho ke shamil charagh raushan murad hasil

ba-in tajalli-o-sada-rui tu husn mein garche be-misl hai

magar ho 'ariz pe tere ek til charagh raushan murad hasil

faragh-e-dil se KHushi manao lo ab to ghi ke diye jalao

ki aai 'ashiq ki chhati pe sal charagh raushan murad hasil

jo kijiye saiqal-e-tabi'at nikalta hai joauhar-e-haqiqat

ki 'shams' se jab ki uTh gaya zil charagh raushan murad hasil

jamal-e-tanzih bahr-e-zati hai wan na ghaeb hai na shahadat

jalal-e-tashbih mauj-e-sahil charagh raushan murad hasil

amanat-e-husn-o-'ishq hargiz uThe na arz-o-sama se lekin

hua bashar jab ki us ka hamil charagh raushan murad hasil

bar aai kHub aarzu-e-gul-gir nikli parwana ki tamanna

mue ye hote hain pesh-e-mahfil charagh raushan murad hasil

tajalli-e-nayyar-e-haqiqi se jab ki chamke zamin ke zarre

zuhur-e-haq ho ke phir tu kaamil charagh raushan murad hasil

jalae lam'at-e-barq-e-wahdat ne kHashak-e-haye kasrat

tajalli-e-haq ne phunka baatil charagh raushan murad hasil

tasawwur-e-yar tha jo dil mein bhaDak uTha misl nar-e-dar-kHas

jalaya 'ulwi' ka ye tan-e-gul charagh raushan murad hasil