ye jo halka halka surur hai

ye jo halkā halkā surūr hai

ye terī nazar kā qusūr hai

ki sharāb piinā sīkhā diyā

tire pyaar ne tirī chaah ne

terī bahkī-bahkī nigāh ne mujhe ik sharābī banā diyā

sharāb kaisī ḳhumār kaisā

ye sab tumhārī navāzisheñ haiñ

pilā.ī hai kis nazar se tū ne

ki mujh ko apnī ḳhabar nahīñ hai

terī bahkī-bahkī nigāh ne mujhe ik sharābī banā diyā

saarā jahāñ mast jahāñ kā nizām mast

ḳhum mast shīsha mast subū mast jaam mast

din mast raat mast sahar mast shaam mast

yuuñ to saaqī har tarah kī tere maiḳhāne meñ hai

vo bhī thoḌī sī jo in āñkhoñ ke paimāne meñ hai

sab samajhtā huuñ terī ishva-garī ai saaqī

kaam kartī hai nazar naam hai paimāne kā

terī bahkī-bahkī nigāh ne mujhe ik sharābī banā diyā

terā pyaar hai merī zindagī

na namāz aatī hai mujh ko na vuzū aatā hai

sajda kar letā huuñ jab sāmne tū aatā hai

jo terī ḳhushī vo merī ḳhushī

ye mere junūñ kā hai mo.ajiza

jahāñ apne sar ko jhukā diyā

vahāñ maiñ ne kā'ba banā diyā

mere baa'd kis ko satāoge

maiñ ne un ke sāmne avval to ḳhanjar rakh diyā

phir kaleja rakh diyā dil rakh diyā sar rakh diyā

aur 'arz kiyā

mere baa'd kis ko satāoge

mujhe kis tarah se miTāoge

kahāñ jā ke tiir chalāoge

merī dostī kī balā.eñ lo

mujhe haath uThā kar duā.eñ do

tumheñ ek qātil banā diyā

terī bahkī-bahkī nigāh ne mujhe ik sharābī banā diyā

ye jo halka halka surur hai

ye teri nazar ka qusur hai

ki sharab pina sikha diya

tere pyar ne teri chah ne

teri bahki-bahki nigah ne mujhe ek sharabi bana diya

sharab kaisi KHumar kaisa

ye sab tumhaari nawazishen hain

pilai hai kis nazar se tu ne

ki mujh ko apni KHabar nahin hai

teri bahki-bahki nigah ne mujhe ek sharabi bana diya

sara jahan mast jahan ka nizam mast

KHum mast shisha mast subu mast jam mast

din mast raat mast sahar mast sham mast

yun to saqi har tarah ki tere maiKHane mein hai

wo bhi thoDi si jo in aankhon ke paimane mein hai

sab samajhta hun teri ishwa-gari ai saqi

kaam karti hai nazar nam hai paimane ka

teri bahki-bahki nigah ne mujhe ek sharabi bana diya

tera pyar hai meri zindagi

na namaz aati hai mujh ko na wuzu aata hai

sajda kar leta hun jab samne tu aata hai

jo teri KHushi wo meri KHushi

ye mere junun ka hai moajiza

jahan apne sar ko jhuka diya

wahan main ne ka'ba bana diya

mere ba'd kis ko sataoge

main ne un ke samne awwal to KHanjar rakh diya

phir kaleja rakh diya dil rakh diya sar rakh diya

aur 'arz kiya

mere ba'd kis ko sataoge

mujhe kis tarah se miTaoge

kahan ja ke tir chalaoge

meri dosti ki balaen lo

mujhe hath uTha kar duaen do

tumhein ek qatil bana diya

teri bahki-bahki nigah ne mujhe ek sharabi bana diya