حالت دل کا اعتبار کیا

حالت دل کا اعتبار کیا

ہم نے نادیدہ ان سے پیار کیا

الا بذکر اللہ تطمئن القلوب

ان کے تذکار نے سکوں بخشا

جب کبھی دل نے بے قرار کیا

نحن اقرب الیہ من حبل الورید

دیکھ وارفتگی شوق جمال

دل میں تھے پھر بھی انتظار کیا

ولا تقنطوا من رحمۃ اللہ

ان کے لطف و کرم کے صدقے میں

ہم نے ہر جرم بار بار کیا

لیس لللا نسان الا ما سعی

راس آیا نہ آسرا ہم کو

یہ گنہ ہم نے چند بار کیا

انہ کان ظلوما جہولا

ہائے کیا سادگی تھی جب ہم نے

عمر فانی کو اختیار کیا

حسبنا اللہ و نعم الوکیل

جب زمانے نے ساتھ چھوڑ دیا

ان کی رحمت نے کامگار کیا

ان اللہ یحب المحسنین

لطف و احسان ہے زندگی کا جمال

محسنوں سے انہوں نے پیار کیا

ظہر الفساد فی البر و البحر بما کسبت ایدی الناس

یخربون بیوتھم بایدیھم

سو تدبیر دیکھنا اے تاجؔ

جیب و داماں کو تار تار کیا